///

Зүлфия Чиншанло, Токио олимпиадасының қола медаль иегері: Бұл медалім ыстық

575 рет қаралды
photo: Olympic.kz
Қазақстандық ауыр атлет Зүлфия Чиншанло Токиодағы Олимпиада ойындарында қола медаль алып, ел қоржынын кезекті жүлдемен толтырды. Olympic.kz сайтына сұхбат берген спортшы өзінің жетістігіне баға беріп, 2024 жылғы Олимпиадаға қатысты жоспарымен бөлісті. 

«Жетістігіме көңілім толады. 2014 жылғы әлем чемпионатынан кейін менде айтарлықтай жақсы нәтиже болған жоқ. Ең бастысы, жақсы эмоцияларды сезінетін кез келді. Расында, қуаныштымын.

Серпе көтерудегі үшінші мүмкіндігімді пайдаланған жоқпын. Өйткені, бәрібір қуып жете алмайтын едім. Жаттығу жиындарында 130 келіні алаңсыз көтеріп жүрдім. Бірақ ол кездегі салмағым 57 келі еді. Олимпиадада салмақ қуып, 2,5 келіден арылуға тура келді.

Жұлқа көтеруден кейбір нәтижелерімді есепке алмады. Қолымды тік ұстамағаным, тепе-теңдікті сақтамағаным себеп болды. Яғни, сәл ғана артық қимыл жасасаң, салмақты есепке алмайды. Пандемия дайындығымызға айтарлықтай әсер еткен жоқ. Бәрі жақсы өтті, баршаңызға алғыс білдіремін. Үнемі жанымнан табылатын күйеуім мен бапкерлеріме рахмет.

Виктор Ни, Бақыт Ахметовтерге алғысым шексіз. Жанкүйерлерге ерекше ризашылығымды білдіремін. Париж Олимпиадасында сынға түсуге тырысамын. Бір жылдан соң Азия ойындары да күтіп тұр. Токиодан соң аздап демалып, болашаққа жоспар құрамын. Әзірге, жұлқа көтеруді біраз жақсару керек. Бір жылдан соң 2024 жылғы Олимпиадаға қатысты бәрі белгілі болады», – деді Чиншанло.

www.olympic.kz

ФОТО: Сали Сабиров, Қазақстан ҰОК

Парақшамызға жазылыңыз

Жауап беру

Your email address will not be published.

This site uses Akismet to reduce spam. Learn how your comment data is processed.

Соңғы жазбалар