Ыстамбұл қаласында хоккейден 18 жасқа дейінгі қыздар арасында әлем чемпионатының IIA дивизионы аяқталды. Аталмыш сайыста Қазақстан құрамасы Жаңа Зеландия (13:2), Латвия (9:1), Түркия (5:1) және Нидерланд құрамаларын (7:0) есебімен жеңді.
Биыл команда сапын едәуір жасартқан құрама бапкерлері 14 жастағы 8 хоккейшінің дебют жасауына мүмкіндік берді. Ал «Алтын» жүлде үшін өткен шешуші ойында қыздар жоғарғы дивизионнан төмен түскен Корея құрамасымен кездесті. Матч қарсыластардың жеңісімен (1:5) аяқталып, қазақстандық хоккейшілер өткен жылдағыдай турнирдің «күміс» жүлдесін иеленді.
Осы жарыста ерекше өнерімен көзге түскен София Муравьева турнирдің үздік шабуылшысы, сондай-ақ Қазақстан құрамасының үздік ойыншысы атанды. 15 жастағы хоккейші турнирдің бомбардирлер кестесінде көш бастады.
Еншісінде 21 ұпай. 10 гол 11 гоолдықө пас. Оның пайдалық коэффициенті +16 болды. Бұл көрсеткіш бойынша екінші орында команда капитаны София Зубкова тұр, оның еншісінде 16 (7+9) ұпай және пайдалылық коэффициенті +16. Үздік бомбардирлер үштігін Анфиса Новикова түйіндеп тұр, ол 11 (7+4) ұпай жинап, пайдалық көрсеткіші +9.
Түгелбай Бисен
Парақшамызға жазылыңыз
