Кеше, бұқаралық ақпарат құралдары қызметкерлерінің кәсіби мерекесі – Баспасөз, теледидар және радио күні қарсаңында «Нұр Отан» халықтық-демократиялық партиясының журналистер арасында жарияланған «Нұр Сұңқар» республикалық байқауының қорытындылары жарияланды.
Жеңімпаздарды марапаттау салтанаты Астананың Конгресс-Холл сарайында өтті. Дәстүрге айнала бастаған бұл шараға Қазақстанның барлық аймақтарының журналистері, Парламент депутаттары, Қазақстан Журналистер одағы мен Бас редакторлар клубы өкілдері қатысты.
Жеңімпаздар «Нұр Отан» партиясының, депутаттар мен депутаттық фракциялар қызметі жайлы жарияланған үздік сараптамалық материалдар, сонымен қатар, партияның ай¬мақтардағы қызметін үздік жариялағандар, партияның бастамаларына айрықша көз-қарас білдіргендер, үздік фото және бейне материалдар арасынан таңдалып, анықталды.
Биылғы «Нұр Сұңқар» байқауының басты ерекшелігі: оның Қазақстан Республикасы Тәуелсіздігінің 20 жылдық мерейтойына орайластырылғаны болды. Мерейтой журналистер үшін өте қызықты тақырыпқа айналды.
200-ден астам республикалық және аймақтық БАҚ өкілдері байқауға өз жұмыстарын ұсынған болатын.
Байқау жеңімпаздарын құттықтай келе, «Нұр Отан» партиясы Төрағасының бірінші орынбасары Нұрлан Нығматулин: «Биылғы «Нұр Сұңқар» байқауы еліміздің басты мерекесі – Қазақстан Республикасы Тәуелсіздігінің 20 жылдығына арналып отыр. Тәуелсіздік – барша қазақстандықтар үшін маңызы зор тарихи мейрам. 20 жылда біздің еліміз әлемдік жоғары беделі бар қуатты мемлекетке айналды. Бұл – Елбасымыз, «Нұр Отан» партиясының Төрағасы Нұрсұлтан Назарбаевтың үлкен еңбегінің, халқымыздың әл-ауқатын арттыруға, елімізді дамытуға бағытталған саясатының нәтижесі екені сөзсіз. Осының барлығы Қазақстан журналистикасының дамуына да үлкен мүмкіндік берді», – деп атап өтті.
Он сегіз номинация бойынша жеңімпаздар атанған қаламгерлерге белгілі қоғам қайраткерлері, өнер адамдары «Нұр Сұңқар» байқауының жеңімпазына арналған белгі мен бағалы сыйлықтар табыс етті. «Біздің депутат» номинациясы бойынша әріптесіміз Жақсыбай Самрат пен «Казахстанская правда» газетінің тілшісі Ольга Казанцева жеңімпаз деп танылып, бәйге алды. Басқа номинациялар бойынша «Хабар» агенттігінің тілшісі Тілеуқабыл Мыңжасар, «Ашық студия» бағдарламасының жүргізушісі Нұрлан Ерімбетов, Zona.kz және Minber.kz интернет-газетінің тілшілері Жұмабике Жұнысова мен Есенгүл Кәпқызы, «Литер» газетінің тілшісі Владимир Катков, «Хабар» агенттігінің Павлодар облысындағы тілшісі Салауат Игіліков, «Хабар» агенттігінің астаналық бөлімі¬нің тілшісі Наталья Илюхина, «Айқын» газетінің тілшісі Айхан Шәріп, «Время» газетінен Геннадий Бендицкий, тележүргізуші Дина Төлепбергенова, «Индустриальная Караганда» басылымының тілшісі Оксана Мягких, «Ақтау ақпарат» газетінің тілшісі Кәмшат Әбдірайым, «СТВ» арнасы бас редакторының орынбасары Виталий Попов, «Қазақстан» ұлттық арнасының тілшісі Айбек Қобдабай, Президент баспасөз қызметінің операторы Бақтыбай Шаханов, «Нұр-Медиа» ЖШС-нің фототілшісі Советбек Мағзұмов алды. Барлық байқау жеңімпаздары «Нұр Сұңқар» мүсіні, арнайы диплом және ақшалай сыйлыққа ие болды.
Өткен жылдағыдай, биылғы байқауда да арнайы жүлде тапсырылды. Бұл сәт салтанатты рәсімнің шарықтау шегіне айналды. Нұрлан Нығматулин осы сыйлық биыл Қазақстан Республикасы Тәуелсіздігінің 20 жылдығына арналғанын жариялады. Оның иегері белгілі журналист, «Хабар» агенттігінің тілшісі Нұрлан Оқаұлы атанды. Ол арнайы мүсінше мен дипломға қоса, пәтер кілтін иеленді.
Әлисұлтан ҚҰЛАНБАЙ.
Суретті түсірген Орынбай БАЛМҰРАТ.
“Егемен.кз”
«Нұр Сұңқар» байқауы ел Тәуелсіздігінің 20 жылдығына арналды
Соңғы жазбалар
Қазіргі уақытта Қызылорда облысындағы Арал теңізінің үздіксіз таяздануы, «Байқоңыр» зымыран – ғарыш кешенін пайдалану, уран–кен өндіру
Осыдан 6 күн бұрын ProTenge.kz негізін қалаушысы Джамиля Маричева өзінің Facebook әлеуметтік желісіндегі жеке парақшасында күнделікті
Масс-медиа туралы заң жобасының Мәжілісте құрылған жұмыс тобының құрамында тоғыз айға жуық жұмыс істедік. Тәуелсіз сарапшылармен
Алматы облысы Талғар ауданында орналасқан Әл-Фараби атындағы №31 Тұздыбастау мектебінде бастауыш сынып оқушылары үш ауысымда оқиды.
Жалқамыс – Алматы облысы, Талғар ауданынан 26 шақырымда жатыр. Ауыл 12 елдімекенді біріктірген Қайнар ауылдық округінің
Құрметті павлодарлық журналистер! Сіз Датаға негізделген материал жасауды мақсат етіп, мақала жазуда жасанды интеллектің көмегіне жүгінгіңіз келе
Батыс Қазақстанда су тасқыны қаупі сейілмей тұр. Бүгінгі соңғы гидрологиялық бюллетеньнің мәліметтеріне сәйкес Жайық өзенінің деңгейі
Батыс Қазақстан облысының әкімдігі су тасқыны басталғаннан кейін көп кешікпей Батыс Қазақстан облысында су тасқынынан зардап
Ақмола облысында су тасқынынан зардап шеккендерге eGov Mobile қосымшасы арқылы көмек алуға өтінім беру бойынша пилоттық
Қазіргі таңда өмірімізді пластиксіз елестету қиын. Күнделікті өмірде қолданатын көптеген заттардың құрамында пластик бар. Бірақ пластик
Құрметті, “Мінбер” журналистерді қорғау орталығы. Сіздерді төл мерекелеріңізбен шын жүретен құттықтаймын! Барлық игі істеріңізге Алланың нұры жаусын. Тек шығармашылық табыстар тілеймін!
ҚҰТТЫҚТАЙМЫН! ЖЕҢІСТІҢ ШЫНДАРЫНАН КӨРІНЕ БЕРІҢІЗДЕР! ШЫҒАРМАШЫЛЫҚ ТАБЫС ТІЛЕЙМІН!
Жеңістеріңіз қайырлы болсын! Мерекелеріңізбен!
Мінбердің алға қойған әр ісіне табыс тілеймін.Сайт жетекшісі әрі қарымды қаламгер Есенгүл апайымызға шығармашылық мол табыстар тілеймін.
Құтықтаймыз! Сіздердің жолды біздерге берсін!!!!