Қазақта бір мақал бар еді «орыс ойына келгенін істейді» деген. Қазіргі біздің билік те әр түрлі тәжірибе жасаудың көкесін көрсетіп жатыр. Айталық біреу қылмысты болады дейді, енді оның қарасын анықтап қылмыскер атап, жалпақ жұртқа жариялап, абақтыға қамап, пәленпай жылға соттайды. Ал сосын, ойбай, ол ақ екен, құлан таза күнәсіз жан екен, жаңылыпты, жаңсақ болыпты деп бұғауын шешіп босатып жатады. Алайда, әлгі, жазған, жаңылғандарға айып тағыла ма, тағылмай ма ол жағы жабық. Немесе, әлде кімді, тұқыртып, жасытып, сағын сындыру үшін түрмеге бір тоғытып алу керек пе екен, бұл тіпті жұмбақ. Осыны қарапайым халық көреді де биліктің істеп жатқан ісіне ат жарысын тамашалағандай ғана, кейінгі кезде, «бір пәлеқор, бір пәреқор сотталыпты» десе, «е, соттап жатады, отап жатады, оны қойшы, ертең-ақ босатады, сонан соң бір жайлы орынға отырғызады» деп селқостық танытатын болды.
Мәселен, министр болған, одан басқа да дардай лауазымдарды атқарып жүріп сотталған «Қазақстан темір жолының» бұрынғы президенті Жақсыбек Күлекеев былтыр күзде, 2009 жылы 20 қарашада шартты түрде мерзімінен бұрын босап шықты. Жұрт та, басқа да, әпербақан оппазиция да оған тым сондай әсерленіп елеңдей қойған жоқ. Бар болғаны бір шенеуік-
2008 жылы 1 сәуірде Астанада «үлкен көлемде пара алған» деген күдікпен ұсталып, «қызмет бабын асыра пайдаланған» деген айыппен үш жылға бас бостандығынан айырылған Жақсыбек Күлекеев бостандыққа шықты. Сөйтіп айыпталушы да, айыптаушы да аман, қоржынның екі басы теңесті.
Міне, 18.01.2010 жылы ҚазТАГ Жақсыбек Күлекеевтің жаңа қызметке – Қазақтың мұнай және газ институты» компаниясының корпорациялық даму жөніндегі басқарушы директоры болып тағайындалғандығын хабарлады. Сөйтіп бір мықты Түрмеден төрге бірақ шықты. Бізде бәрі де мүмкін… Б.Қарамер
Түрмеден төрге шықты бір мықты
Соңғы жазбалар
«Халқымыз үшін жер мәселесі қашанда аса маңызды. Бұл – мемлекеттігіміздің берік негізі және қасиетті символы. Қазақтың
24-інші ақпан күні ZOOM платформасында «Отандастар» КеАҚ мен «Мінбер» ақпарат агенттігі «Көші-қон: түйткілі мен шешімі» атты
Халықаралық салыстырмалы зерттеулер нәтижесі республикада мектептегі білім сапасы оқыту тіліне байланысты айтарлықтай өзгеретінін көрсетеді. Эксперттер қазақша
Өткен аптада Жамбыл облысы Жаңатас қаласындағы бес баланың өртке орануы қоғамда біраз резонанс тудырды. Дәл осындай
Сізді қазақ көшінің бүгінгі ахуалы мен жай-күйі алаңдата ма? Көші-қондағы заңнамалық өзгерістерден хабардар болғыңыз келе ме?
Қазір қазақстандық QazCovid-in вакцинасы үшінші фазада сынақтан өтіп жатқаны белгілі. Мінбер.кз сайты осы жайында Білім және ғылым
Қаржы нарығын реттеу және дамыту агенттігінің дерегінше Қазақстанда соңғы үш жылдың өзінде ғана 180 қаржы пирамидасы
Қазақта «жақсы ат аяғынан сүрінеді» деген мәтел бар еді. Алайда, елдің көңілін тауып жүрген, көп жылдар
Қазақ Ұлттық Университеті, ақпарат технологиясы факультетінің түлегі Нұрболат Өмірхан Қазақстандағы кенжелеп қалған саланы көтеруді мақсат еткен.
«Аштық» тақырыбы аз айтылған жоқ. Бұл мәселе жан-жақты зерттелді де. Алайда осы мәселеге деген посткеңестік елдердің
Түрмеден төрге озған мықтының тіреушісі күшті шығар. Әйтпесе, түрмеден шыққандарға белгілі бір мерзімде қызмет берілмеуші еді ғой. Міне, қызық. Біздің елде бәрі де болады екен-ау.
Иә, саяси көзқарасы тұрғысынан, тағы басқа да қимылынан елдің билігіне ықпал етіп отырған кландарға жақпаған тұлғаларды тұқыртып алу ісі кәдімгі жүйелі түрде жүргізіліп жатқан сынды. Құлекеев те сол бір ықпалды тұлғаның көңіліне жақпаған адам.