Бәріміз репрессия құрбандары ұрпағымыз

27 мамыр күні Елбасы Нұрсұлтан Әбішұлы Назарбаев Ақордада «Саяси репрессия құрбандарын еске алу» күніне орай ХХ ғасырдағы қазақ баласының басына түскен сұмдық апат, қанды қырғын, қазақ даласын адам қанымен суарған қатыгез қасапшылық – саяси репресия құрбандарының ұрпақ өкілдерімен кездесті. Бұл жөнінде біз алғашқы хабарды «Қазақ радиосы» жаңалықтарынан естіп-білдік.

Онда президент Н.Назарбаев (Тарихты зерттеудегі –Б.Б.) «Қазақстанның мақсаты – өзіне жау табу емес, болғанды болғанындай шынайы білу» деп мәлімдеген. «Қазір тарихты зерттеуде екі бағыт етек алған: Бірінің мақсаты өткенге кінәліні іздеп-табу болса, ал екіншісі бәрі де тамаша еді, бұлай істеу (репресия – Б.Б) әрі керек, әрі қажет болды дейді» деген. Елбасы ақиқат осы екі бағыттың бел ортасында жатыр деп көреді. «Біздің мақсатымыз,- дейді Нұрсұлтан Әбішұлы жау іздну емес, болған қасыретті ұмытпау, нақты тарихты білу, оны жазып қалдыру және біздің тұқым-жұрағаттарымыз білу үшін еске алып отыру».

Және де президент: «Біз әлде кімді немесе тарихты кінәлағымыз келмейді. Біз тек шындықты білгіміз келеді. Шындықты білу арқылы тап сондай нәубат қайталанбас үшін не істеу керек екенін білеміз. Біз бүгін Саяси репрессия құрбандарын еке алу үшін жиналдық» деген.

Иә, Бәріміз репрессия құрбандары ұрпағымыз. Сол жылдары қан ішіп, қара жамылмаған қазақ отбасы жоқтың қасы. Сол нәубат жылдарында қазақтың жалпы санының жетпіс пайызға жуығы қырылып кеткенін Елбасы ашық айтты. Қазақ халқын қынадай қырған сол бір сұрапыл нәубатқа мәңгі лағынет айтамыз! Оны жасағандардың тұқымы адамзат тезінен аман-есен өтсе де, құдай алдында жауап беретініне кәміл сенеміз.

Бір замандарда атақты жаулаушы, француз императоры Наполеон Бонапарт «түріктерді (қазақтарды–Б.Б.) өлтіруің мүмкін, бірақ оларды жеңе алмайсың деп мойындаған екен. Алла Тағаланың өзі «менің түріктерім» деп нұрын төккен нұрлы ұрпақ түгесіліп қалмас екенін бүгін паш етіп отыр.

Құрбандардың топырағы торқа, жаны пейіште шалқысын! Біз, бүгінгі ұрпағының бақытты болашағы үшін баласынан бастап, бабасына дейін алтын жанын пида еткен құрбандардың өшпес рухына мәңгі басымызды иеміз! Алайда, әлі күнге дейін солардың рухына бағышталған бір ескерткіштің бой көтермегені бетімізбен жер бастырады.

Біз, қазақты жер бетінен жойып жіберу үшін, тұқымын тұздай құрту үшін әдейі, қасақана жсалған аштықты, геносидті, репресияны еш қашан естен шығармаймыз! Өйткені, Бәріміз репрессия құрбандары ұрпағымыз!

Б.Бурыл-Алтай