//

Шонжыда енді Абай көшесі бар

2545 рет қаралды

Алматы облысы Ұйғыр ауданындағы орталық көшелерге әл-Фараби, Абай Құнанбайұлы, Мұқағали Мақатаев есімдері берілді.

Мінбер.кз сайты 2020 жылдың 19 маусымында Ұйғыр ауданының орталығы Шонжы ауылында қазақтың Бас ақыны Абай Құнанбайұлы атында көше жоқ екенін жазып мәселе көтерген еді.

Биыл 19 наурыз күні Онамастика заңнамасына сәйкес жиын өтіп, онда аудан тұрғындары Шонжы ауылының орталық көшелеріне адамзаттың екінші ұстазы Әбу-Насыр әл-Фараби, қазақтың Бас ақыны, ғұлама ойшыл Абай Құнанбайұлы, ақиық ақын Мұқағали Мақатаев есімдерін беру туралы ұсынысты қолдаған.

21 сәуір күні аудан орталығындағы үш көшеге ұлы тұлғалардың есімі жазылған тақта ілініп, ресми ашылу салтанаты өтті. Карантин талаптарын сақтай отырып өткен жиынға Алматы облысы Ішкі саясат басқармасының басшысы Рахмет Есдәулетов, аудан әкімі Шухрат Нурахунов, аудандық мәслихат депутаттары Жәнет Керімқұлов пен Анар Дүйсенбайқызы т.б. аудан белсенділері қатысты.

 

Еске сала кетсек: Былтырғы дерекке сәйкес Шонжы ауылында барлығы 119 көше бар, оның 29-на қазақ, 33-не, ұйғыр, 2-не басқа ұлт азаматтарының есімі берілген. Қалған 55 атау Тәуелсіздік, Ажар, Жас ұлан, Болашақ секілді қазақ тіліндегі атаулар болған.

Парақшамызға жазылыңыз

Назым Дутбаева

2000 жылы әл-Фараби атындағы ҚазҰУ-дың журналистика факультетін бітіріп, 2000-2002 жылдар аралығында осы факультеттің магистратурасында білім алды.
2002-2005 жылдар аралығында «Қазақ әдебиеті» газетінде тілші, 2005-2006 жылдар аралығында Қазақстан телеарнасында редактор, 2007-2018 жылдар аралығында «Қазақ әдебиеті» газетінде бөлім редакторы болып қызмет атқарды.

Жауап беру

Your email address will not be published.

This site uses Akismet to reduce spam. Learn how your comment data is processed.

Соңғы жазбалар