Бұған дейін аталған республикалардың Ресейшіл басшылары Денис Пушилин мен Леонид Пасечник РФ президенті Владимир Путинге өздерін жеке ел ретінде тану жөнінде өтініш айтқан болатын. Владимир Путин бұл жайында шешім көп кешікпей қабылданатынын айтқан.
Путин Украин билігін Минск келісімін орындамады деп айыптайды. Ресей әкімшілігінің мәліметіне сүйенсек, Донецк халқының 90%-ы сусыз қалған, Луганскінің үштен екісі газсыз отыр. Донецкіде шахтер қайтыс болған, тек дүйсенбінің өзінде 40-тан астам атыс болған.
Бұл ақпараттың бәрін Украина тарапы жоққа шығарып отыр. Ресми Киев Донбассқа шабуыл жасау туралы ешқандай жоспар құрмағанын айтады.
Украина СІМ (Сыртқы істер министрі) Дмитрий Кулеба ақпанның 21-і кешке БҰҰ Қауіпсіздік кеңесіне мүше мемлекеттерге қайырылып, Будапешт меморандумына орай жағдайды тұрақтандырып, Украинаның қауіпсіздігін қамтамасыз етуді талқылауды сұрады. Зеленский Франция президенті мен Германия канцлерімен Ресей Қауіпсіздік кеңесінде болған жағдайға орай шұғыл кеңестер өткізді. Германия канцлері Олаф Шольц ДХР мен ЛХР-дың тәуелсіздігін тану екіжақты келісімнің Ресей тарапынан бұзылғандығы деп мәлімдеді.
Ұлыбритания Премьер-министрі Борис Джонсон Ресейдің бұл әрекетін қатаң сынап, батыс елдері тарапынан Ресейге қатаң түрде санкция салу қажеттігін ескертті.
