Бибісара Асаубаеваның Instagram әлеуметтік желісіндегі жеке парақшасынан
“ФИДЕ бүгін әлемдегі үздік шахматшылардың рейтингін жаңартты”, – деп хабарлады Chessno говоря телеграм каналы.
BLITZ TOP 100 GIRLS 2024 тамыз рейтингін отандасымыз, блицтен екі дүркін әлем чемпионы Бибісара Асаубаева бастап тұр. Оның еншісінде 2457 ұпай.
Одан бөлек үздік ондыққа Меруерт Камалиденова енді. Мерует 2365 ұпаймен 3-орынға тұрақтады. 2358 ұпайы бар Алуа Нұрман үздік шахматшы қыздар рейтингісінің 5-орынын иеленді. Ал Ксения Балабаева 6-орында. Оның 2349 ұпайы бар.
Фото: International Chess Federation сайтынан скриншот
Сондай-ақ рейтингтің алғашқы жүздігіне қазақстандық Әмина Қайырбекова (33-орын, 2133), Назерке Нұрғали (40-орын, 2106), Лия Құрманғалиева (64-орын, 2071), Зейнеп Сұлтанбек (77-ші, 2053), Елназ Қалиахмет енді.(91-ші, 2041).
STANDARD TOP 100 WOMEN рейтингінде қазақстандық шахматшылар да үздіктер қатарынан көрінді. Рейтингте Бибісара Асаубаева мен Жансая Әбдімәлік 20 және 21-орында, Динара Сәдуақасова 34-орында, Меруерт Камалиденова 88-орында.
Түгелбай Бисен,
БҚО, Орал қаласы
Парақшамызға жазылыңыз
